أنا المينونة...............وأبوي العنيد

السلام عليكم..أنا((صيف الحب))..
كتبت لكم قصة قصيرة من تأليفي..كإهداء لكم يا أعضاء وزوار منتدى ((وردي الإحساس))..إن شاء الله تنال إعجابكم.

((اّنا المجنونة....وأبوي العنيد))

أنا ((وفاء))...عمري 21سنة...عازبة...صفاتي:مينونة.

*في يوم من الأيام..وتحديداً قبل سنة من اليوم, طلعت مع صديقاتي ورِحنا أحد المجمعات..وفي أحد المحلات هناك عجبني فستان كان معروض على الواجهة,وبدون ماحس بنفسي سرحت على الفستان من كثر ما عجبني موديله..وفجأة ما شوف إلا وجه واحدإطالعني من خلف الزجاج,فاّصرخ لكم ذيج الصرخة,خلت الشاب يموووت من الضحك علي..وأنا من الخرعة والفشيلة قمت وشردت,وماشوفه إلا ويمشي وراي..وطول الوقت قعد يلحقني,لين ما صار وكلمني..وبعدها رقمني..وبعدها صرنا حبايب..عالسريع يعني.

*لما كلمته أول مرة,تفاجأنا من صِدف الدنيا..إش كثر هي دوارة....
-تصدقون سألني:أنتي بنت مين؟؟؟
-فقلت:أنا وفاء بنت فلان بن فلان الشرقاوي.
-فرد علي وهو مندهش:شنو!!!
-فأستغربت أنا بعد:ليش!!..شالسالفة؟
-فقال:أنا جاسم بن فلان بن فلان الشرقاوي.
-أنا:معقولة!!!
-هو:سبحان الله!
-أنا:إنت ولد عمي!!

*وكل القصة ومافيها..إني عندي عم إسمه(محمد),من إنولدت وأنا أسمع عنه من أمي,ولكني عمري ما شفته,والسبب خلاف كبير بينه وبين أبوي..ما ندري عنه أي شي..ولا وين عايش!..ولا إذا كان حي أو ميت!..بس أدري بإني عندي عم..وهو عمي الوحيد..لكني محرومة منه.

*خلاف أبوي وعمي ما منعني أنا وولد عمي وحبي الأول والأخير (جاسم) بإن نعشق ونحب...حبنا كان وما يزال وسيظل قادر على تحطيم الصخر..حبنا يفوق الخيال..أحبه بجنون..ومستعدة أواجه الدنيا علشانه.
*ظل حبنا كل يوم يزيد..لين ما قررنا الزواج..لكن المصيبة..شنو بكون رّد أبوه...وأبوي!!!!
*راح جاسم وكلم أبوه..وما شافه إلا ويثور عليه:إنت من وين تعرفها؟..ووين شفتها؟..وإذا أنا أبوك وتحبني وتبيني أرضى عليك شوف غيرها.....إلخ.

*يعني إنقفل الباب من ذاك الصوب........

وجاء الدور علّي ألحين,وبكل جرأة رحت حق أبوي:-
-أنا:يبه..
-أبوي:نعم.
-أنا:أنا أمبي أتزوج!

موضوع: ...تابع الجمعة أبريل 17, 2009 3:20 am

-أبوي:تتزوجين!! هذي الساعة المباركة..ألحين بدوّر لج خوش رياّل...
-أنا:لا يبه..أنا في بالي واحد!
-أبوي:شنو!...مين؟
-أنا:جاسم
-أبوي:أي جاسم؟
-أنا:ولد عمي.
-أبوي بثورة غضب:شنو!..ولد عمج!!..من وين تعرفينه؟وإشلون تتجرأين تكلمين واحد غريب..إحنا ربيناج على جذي؟
-أنا:يُبه أنا أحبه
-أبوي:حبتج القرادة..
-أنا:يبه إش فيك معصب؟أنا بتزوجه..خلاص أتخذت قراري.
-أبوي:والله على جثتي
-أنا:يُبه بتزوجه..هذي ولد عمي.
-أبوي:أنا ما عندي أخو..وأنتي ما عندج عم.
-أنا:يُبه!!!!
-أبوي:خلااااص..ومن اليوم ورايح ماميش طلعة من البيت,وهالتلفون بكسره,وأول رياّل إييج يتقدم لج بتاخذينه..لو عساه يطلع شايب.

*ورحت غرفتي..ولا تتوقعوني قعدت أصيح..أنا وفاء..ما أستسلم بسرعة..في نفس الوقت..فتحت درج خزانتي,وطلعت موبايلي الثاني..إللي أبوي ما عنده خبر عنه,وأتصلت بجاسم:-

-أنا:أبوي بغى ياكلني..مو موافق على زواجنا!!!
-جاسم:وأنا حاولت مع أبوي..وبظل أحاول,مع إني متأكد بإن مافي فايدة!
-أنا:خلاص عيل..لازم نخليهم أمام الأمر الواقع!
-جاسم:إش تقصدين؟؟
-أنا:إذا ما زوجونا بالطيب..بزوّجونا بالقوة.

*في اليوم الثاني تواعدت مع جاسم بإن نلتقي..وشردت من البيت بدون ما يحس أبوي,وقابلته..ثم أتصلت حق أبوي:-

-أنا:هلا يُبه
-أبوي مستغرب:مين؟
-أنا:هذي أنا يُبه!
-أبوي:أنتي في وين؟وإشلون تتجرأين تطلعين من البيت؟
-أنا:يُبه أنا طلعت وخلاص..
-أبوي:رجعي بسرعة البيت وإلا بذبحج.
-أنا:لا أحسن أنت تعال.
-أبوي بعصبية:وين اّييج؟؟؟
-أنا: أنا قاعدة مع ولد عمي جاسم في الكورنيش..
أبوي والضغط مرتفع:يا بنت........!..يلي ما تستحين,إشلون تعصيني؟!...

*وما كمل كلامه قطعت الخط وقعدنا أنا وحبيبي جاسم ننطره,وكان قصدنا نخليه أمام الأمر الواقع..يعني زوّجنا ألحين..قبل لا تكون السبب في غلطنا بعدين.

*وما صارت ربع ساعة,إلا وأبوي جدامنا وهو منفعل حدّه,وقعد يصرخ علينا جدام الناس,وحاول يضرب جاسم لو ما مسكته ومنعته...

-أبوي:هذي أخر تربيتي لج!
-أنا:يُبه ترى أنا شريفة..قلت لك زوّجنب بالطيب ما رضيت..ما ينفع إلا هالطريقة..ألحين محد بيرضى بوحدة طالعة مع واحد في الكورنيش!
-أبوي:صدقيني حتى هالطريقة ما تنفع..ما راح تاخذينه..لو أموت ما راح تتزوجينه.
-جاسم:عمي..أنا أمبي البنت وشاريها...أحبها يا عمي.
-أبوي:لو تموت ما راح تحصّلها..أنتو مو حق بعض..إرضوا بالواقع وإنسوا بعض.

*وجرّني جّر للبيت..وحبسني في الغرفة,وقفله بقفل,وما مر جمن يوم إلا وداق بابنا خطيب شايب يبي يتزوجني,وبدون تردد وافق أبوي بدون حتى ما يستشيرني.

*وقرروا إن الزواج راح إصير عقب أسبوع.

*ومضت الأيام بسرعة..ويََهَ يوم (الملجة) الزواج,كنت مغصوبة أتزوجه..وما كان بيدي حيلة..كنت جالسة في غرفتي حزينة أحسب الدقايق القليلة إللي بقت لي وأصير ملك شخص ثاني غير ولد عمي وحبيبي جاسم.

*وفجأة..شفت الدريشة (النافذة) تنكسر,إلا وهو جاسم جدامي:-

موضوع: ...تابع الجمعة أبريل 17, 2009 3:22 am

-جاسم:يلا وفاء..تعالي.
-أنا:جاسم...!
-جاسم:يلا بسرعة..أنتي مستحيل تكونين حق واحد غيري.
وأنا بدون تردد رحت معاه..وقعدنا مكاننا المعتاد عالكورنيش,نحاول نفكر بحل علشان نكون لبعض:-

-جاسم:مافي إلا حل واحد...
-أنا:وإللي هو..
-جاسم:نجمع بين أبوي وأبوج.
-أنا:شنو!!..لكنهم إكرهون بعض.
-جاسم:لكنهم قبل كل شي أخوان.
-أنا:يلا نحاول..ما لنا غير هالحيلة.

*فقمت وأتصلت حق أبوي إللي كان معصب علي لأني هربت,وأحرجته جدام الريايّيل,وخبرته عن مكاني...وجاسم خبّر أبوه عن مكانه.

*وبعد نصف ساعة:-
حضر أبوي..وفي نفس الوقت وصل عمي إللي يومها شفته ولأول مرة...

-أبوي:.................
-عمي:.................
-أنا:يُبه..ما تسلم على عمي؟!
-أبوي رافع خشمه:أي عم؟
-عمي:للحين شايف روحك..وعنيد
-أبوي:إنت إللي شايف روحك.
-أنا:يُبه..عمي!..حرام عليكم..شوفوا إش سويتوا فينا..أنا وجاسم نحب بعض وأنتوا يالكبار يا قدوتنا في الدنيا تكرهون بعض!
-أبوي:ما راح تتزوجينه وهذي كلمتي.
-أنا:لكني أحبه يا يُبه..أحبه يا عمي..ليش ما تحاولون تفهمونا!
-أبوي:أنا فاهم كل شي..يلا بسرعة..الرياييّل ينطرونا,وبتتزوجين ذاك الريال غصباً عنج.
-أنا:...................
*لحظتها ياتني الفكرة القوية..تظاهرت بالإغماء..علشان أحسس أبوي بقيمتي عنده..لعل وعسى برأف بحالي:-

-أبوي منفزع:وفاء...وفاء..بنتي إش فيج؟
-عمي كان خايف بعد:يلا ياخوي نشيلها المستشفى.
-جاسم وهو يصرخ:كله منكم...ذبحتونا بعنادكم.
-أبوي وهو يكلم عمي:خلاص..حقك علي ياخوي..سامحني..خصامنا ضيّع إعيالنا.
-عمي:إعيالنا إحبون بعض,وإحنا ما حسينا فيهم.
-أبوي:سامحني ياخوي.
-عمي:لا أنا سامحني ياخوي..ما فادنا الخصام في شي!

*وأنا كنت أسمع كل شي..متظاهرة بالإغماء,لكن لما سمعتهم يتسامحون من بعض,فَتَحت عيني من الفرحة وقلت:-

تصالحتوااااا
كلللللللللللللللللللللللللللللللللش
تصالحوا يا جاسم
ألحين خل نتزوج....
بسرعة يُبه..
بسرعة عمي..
أنا أبغي ولد عمي..
وما أقدر أصبر أكثر لين ما يصير من حظي ونصيبي.

-أبوي:صج أنتي مينونة....هههههههههههه
-عمي:هههههههههههههههههههههههههههه

((هذي هي النهاية السعيدة))

موضوع: ............ الجمعة أبريل 17, 2009 3:28 am

أنتظر ردودكم

Suspect

موضوع: ......................... الإثنين أبريل 20, 2009 2:16 am

هلا بصيف الحب
تسلمين على هالقصة الحلوة..ونهايتها جداً مضحكة
ننتظر منج الجديد
شكراً

موضوع: .................. الإثنين أبريل 20, 2009 3:23 am

قصة روووووووووووووووعة يا صيف الحب
مشكورة

أنا المينونة...............وأبوي العنيد 5672071

ههههههههههههههههههههههههههههههههه صراحة قصة عجيييبة تسلمين والله
فديييتج على هالقصة الحلوة وننطر جديدج