سأتذكرك دائماً..

أذكر لما كنت صغيرة كنت دايماً أحاول أرقص نفسه..وطول الوقت لما كنت أشوفه في التلفزيون أتذكر صديقتي العزيزة إللي كانت دايماً تقلده في رقصه وأغانيه وتحاول تعلمني إشلون يرقص...

للحين أذكر لما كنت أسهر عالتلفزيون خاصةً على قناة55 البحرين,أنتظر لين ما يحطون أغانيه الروعة إللي تدش القلب وتونس الواحد ومنها: GHOSTE, BLACK
OR WHITE.

وأذكر ذاك الشريط الفيديو عن حياة مايكل جاكسون وأغانيه وأتأثر من كل قلبي لما أشوف إش كثر ناس يحبونه ويموتون عليه..لكني أنقهرت لما رفيجتي قالت بتستعير الشريط قبل عشر سنين وليومكم ما ردته,كأنها خذت قطعة مني!!!

مايكل جاكسون صج عمري ما شفته,وألحين أكيد ماراح أشوفه..إلا إنه خلى لحياتي معنى وحماس..هو ذكريات طفولتي ومراهقتي..كنت دايماً أجمع صوره وأتحرى أخباره..

وايد ناس سمعتهم يقولون لما توفى مايكل: أفتكينا منه!!
والله لو مات مطرب يحبونه ما قالوا هالحكي..وجان أنتحروا نفس ما صار يوم توفى عبدالحليم حافظ!!!!
دايماً الناس يشوفون الشين في الواحد..وينسون الزين إللي سواه في حياته وإللي كثير من الناس وخاصةً الأطفال ما راح ينسون جميله..

لا تنسون كلام الله عز وجل: ((من يعمل مثقال ذرةً خيراً يره ومن يعمل مثقال ذرة شراً يرى))

يمكن مايكل جاكسون كان مسيحي..يمكن غلط وايد,ومين فينا ما يغلط!!..لكن ربي رحيم ما ينسى لو عمل صغير واحد سواه الشخص في حياته ويكون السبب في دخوله الجنة..وربي أعلم..

مين منا يقدر ينسى حديقة نيفر لاند إللي بناها للأطفال,ولا عمره خذ عليهم رسوم تذكرة الدخول...
بس علشان يشوف الفرحة في عيونهم..ومين يقدر ينسى التبرعات الكريمة للجمعيات والفقراء والمساكين!!
يمكن كلامي فاضي بالنسبة لكم,لكني صج أنصدمت بنبأ موته,لأنه منذ الصغر كان مطربي المفضل وكان حلمي إني أشوفه مع إنه صار من سابع المستحيلات ألحين.!

والأن ما أتمنى له إلا إن ربي يرحمه ويغفر له أخطاءه..
ويغفر لنا ولجميع المؤمنين والمؤمنات..ويجعلنا دوم من الصالحين..أمين

Die in peace micheal Jackson
سأتذكرك دائماً

أتمنى من محبي مايكل جاكسون كتابة ولو شيء بسيط لتخليد ذكراه.....
شكراً
[b]

تسلمين على الموضوع
ذكراه باقية في القلوب

الملك مايكل جاكسون
في القلوب دائماً

سأتذكرك دائماً.. Mj200

مايكل جاكسون
I LOVE YOU

Crying or Very sad